Disa stuhi janë zhvilluar sot pasdite dhe në mbrëmje në territorin e Francës dhe më vonë edhe në shumë të Gjermanisë. Këto stuhi nuk janë shumë të fuqishme sikur herën e kaluar dhe janë paksa më të izoluara, megjithatë vende-vende po kushtëzojnë rrebeshe mjaft intensive dhe stuhi me breshër, vetëtima dhe bubullimë.
Këto sisteme po lëvizin nga Franca dhe Gjermania në drejtim të Polonisë dhe Çekisë duke kapur edhe pjesë të territorit të Zvicrës dhe pastaj lokalisht edhe në Austri.
Stuhitë janë më të dobëta se frontet e para dy tre ditëve që shkaktuan dëme të mëdha materiale nëpër ato lokacione ku kaluan stuhitë “superqelizore”, që nga Franca e deri në Slloveni dhe Vojvodinë të Serbisë ku pastaj goditen edhe territorin rumun.
Për rajonin tonë nuk kemi shumë koment. Diell dhe vapë e madhe nën anticiklonin stabil afrikan.
Mot edhe më i nxehtë na pret nga nesër dhe gjatë gati tërë javës së re, por shpresojmë që në dy ose tri ditë të kemi zhvillime të disa rrebesheve të izoluara orëve të pasdites dhe mbrëmjes që eventualisht mund të sjellin freski kalimtare vetëm në ato rajone ku zhvillohen./METEOBALLKAN
