Sonte gjatë natës do të kemi ulje të forta të temperaturave si pasojë e depërtimit të acarit të fuqishëm Siberik. Temperaturat minimale do të ulen deri në minus 15 gradë celsius nëpër qytete e ndoshta edhe më shumë, kurse në viset më të larta malore ato mund të ulen deri në minus 21 gradë celsius.
Ftohtë do të jetë në tërë rajonin, duke filluar nga Bosnja, Serbia, Mali i Zi, Kosova, Shqipëria, Maqedonia dhe Greqia. Në viset malore në rajon temperaturat mund të ulen deri në minus 22 apo minus 23 gradë celsius.
Në fotografinë poshtë keni temperaturat minimale në orët e hershme të mëngjesit sipas modelit GFS dhe këtu mund të orientoheni sadopak për rajonin tuaj.
Të martën në mbrëmje dhe gjatë natës siç kemi theksuar do të fillojnë reshje të reja atmosferike. Të mërkurën priten reshje të dendura bore në Kosovë, Shqipëri dhe Maqedoni. Në Shqipërinë bregdetare dhe Ultësirën perëndimore do të ketë reshje të dendura shiu si dhe lokalisht edhe stuhi të fuqishme me vetëtima dhe bubullimë. Duke pasur parasysh ajrin Siberik që gjendet në rajonin tonë nuk duhet habitur nëse reshjet e borës paraqiten shkurtimisht edhe në shumë rajone bregdetare dhe rajone tjera ku reshjet e borës janë fenomen i rrallë./Meteoballkan
Shikoni temperaturat në rajonin tuaj:
FOTO : Meteociel – meteoballkan.com
