Tri- katër ditët e ardhshme do të jenë jashtëzakonisht të nxehta në rajonin tonë duke përfshirë edhe Kosovën, prandaj apelohet për kujdes të shtuar sidomos për fëmijët, personat e shtyer në moshë dhe të sëmurët kronik.
Preferohet të pihet ujë sa më shumë dhe po ashtu në orët e mesditës nuk preferohet të ekspozoheni direkt në rrezet diellore për shkak të mundësisë së “goditjes diellore” ose “goditjes së nxehtësisë”. Nga ora 10:00 deri në orën 16:00 pa ndonjë nevojë të veçantë mos dilni sidomos në mjediset urbane.
Këto këshilla vlejnë më së shumti siç e cekëm më lartë për fëmijët. të moshuarit dhe personat e sëmurë kronik, por nxehtësia e madhe mund të godasë edhe personat e shëndoshë.
Për shkak të ardhjes së masës së nxehtë afrikane së bashku me ajrin në atmosferë kemi depërtimin edhe të fluskave të ajrit të përzier me pluhur nga shkretëtirat e Afrikës Veriore dhe kjo mund të shihet edhe msy të lirë në atmosferë, por nëpër makina dhe hapësira të jashtme.
Lajmi i mirë dhe relaksues na vjen për fundjavë kur pritet të kemi freskim të motit dhe rrebeshe të dendura shiu./Meteoballkan
