Indonezia u godit nga një tërmet i fortë dhe pastaj nga një cunami i tmerrshëm, i cili shkatërroi ishullin e Sulawesi. Më shumë se një mijë njerëz kanë humbur jetën gjersa ky numër mund të shtohet edhe më shumë ditëve në vijim. Valët prej gjashtë metrash përfshinë qytetet e Pal dhe Dongal .
Për fat të keq, ky nuk është cunami më i keq që ka ndodhur në historinë e kohëve të fundit. Cunamit janë më së shpeshti të shkaktuara nga tërmetet nën sipërfaqen e detit, por shkaktarët mund të jenë edhe rrëshqitjet e tokës, meteorë ose shpërthime vullkanike, njofton MeteoBallkan.
Cunami kurrë nuk vjen në një valë, por në seri, dhe uji mund të udhëtojë me shpejtësi deri në 1,000 kilometra në orë. Cunami i tretë më i fortë goditi madje 3 vende në të njëjtën kohë, Portugalinë, Marokon dhe Spanjën. Kjo ka ndodhur në vitin 1755, me çrast 60,000 njerëz kanë humbur jetën.
Cunami i dytë më i fortë shkatërroi bregun lindor të Japonisë më 11 mars 2011, kur më shumë se 18,000 njerëz humbën jetën. Valët ishin 10 metra të larta. Cunami shkaktoi një tërmet prej 9 shkallë të Rihterit.
Cunami më i fuqishëm goditi Indonezinë në dhjetor të viti 2004, me një tërmet prej 9,1 shkallësh të Rihterit, në një thellësi prej 30 kilometrash. /MeteoBallkan
https://www.youtube.com/watch?v=Z-2khcTHIgs
https://www.youtube.com/watch?v=VGW9i_9qBa4
