Këto ditë ishim dëshmitarë të valës së parë serioze të nxehtësisë tropikale të kësaj sezone verore ku temperaturat kulmuan në nivel rajonal dhe arritën deri në 36-37 gradë celsius si pasojë e rrymimeve ajrore me origjinë nga Afrika Veriore.
Nesër pasdite në disa rajone në Kosovë, Maqedoninë e Veriut, Mal të Zi dhe pak edhe në Shqipëri pritet destabilizim i atmosferës dhe zhvillime të vranësirave të cilat do të kushtëzojnë rrebeshe lokalisht të fuqishme shiu me vetëtima, bubullimë dhe mundësi edhe për breshër.
Nga e hëna masa ajrore nga Atlantiku do të depërtojnë mbi rajon dhe në kombinim me masat ajrore afrikan mund të sjellin rrebeshe të fuqishme lokale shiu pasditeve si dhe ulje të temperaturave. Masat ajrore nga Atlantiku do të largojnë Afrikën për disa ditë, megjithatë do të mbetet relativisht nxehtë dhe me zagushim.
Rrebeshe të fuqishme lokale shiu me vetëtima, bubullimë dhe mundësi edhe për breshër priten pasditeve të hënën, të martën dhe të mërkurën, ndërsa stabilizim i lehtë i motit mund të vijë nga e enjta dhe e premta, por moti nuk pritet të stabilizohet tërësisht.
Informacione dhe detaje më të zgjeruara në mbrëmje apo në postimet tona të ardhshme./Meteoballkan
