Në Kosovë e enjtja do të karakterizohet me mot kryesisht të kthjellët dhe me diell, ndërsa temperaturat do të shënojnë ulje të lehta ngase do të kemi erëra nga verilindja, megjithatë mbetet ende nxehtë sidomos në orët e mesditës.
Rrallë në ndonjë rajon afër Maqedonisë së Veriut mund të ketë ndonjë rrebesh të izoluar shiu me ndonjë bubullimë.
Temperaturat parashihet të lëvizin nga 15 deri në 31 gradë Celsius.
Ndryshe do të jetë situata sinoptike në Maqedoninë Veriore dhe jug e lindje të Shqipërisë ku priten zhvillime intensive konvektive dhe si pasojë priten stuhi lokale shiu me vetëtima dhe bubullimë. Vende -vende priten shtrëngata të forta me breshër sidomos në jugperëndim të Maqedonisë së Veriut dhe lindje e juglindje të Shqipërisë.
Dita e Premte sjellë pak më shumë freski për shkak të depërtimit të masave pak më të freskëta ajrore nga veriu. Megjithatë, reshje nuk pritet të ketë.
Fundjava vjen mjaft e nxehtë të shtunën e pak më e freskët të dielën. Nuk priten reshje atmosferike. Stabiliteti atmosferik do të na përcjellë gjatë tërë fundjavës./MeteoBallkan
