Këto ditë, mbi territorin e Kosovës ka mbajtur mot i kthjellët dhe me diell, me temperaturat maksimale që janë sjellë rreth 20 gradë Celsius.
Ndërkaq, Instituti Hidrometeorologjik i Kosovës ka njoftuar se gjatë javës së ardhshme temperaturat do të lëvizin nga minimalja 3 gradë Celsius deri në maksimum 23 gradë.
“Edhe java e ardhshme parashihet të jetë me diell dhe vranësira të shpërndara. Temperaturat minimale do të lëvizin nga 3-6 gradë Celsius, ndërsa maksimalet e ditës parashihet të lëvizin nga 20-23 gradë Celsius. Do të fryjë erë nga drejtimi i veriut dhe jugperëndimit me shpejtësi deri 5m/s”, njofton IHMK.
