Të gjitha modelet globale kompjuterike për parashikim të motit janë “unanime” sa i përket uljet së ndjeshme të temperaturave në rajonin tonë afërsisht nga data 28 nëntor.
Në Mesdhe do të krijohet një ciklon i cili do të shtrihet deri në territorin turk kurse në Skandinavi do të krijohet një sistem ajror me presion të lartë atmosferik i cili do të mundësojë depërtimin e masave të ftohta ajrore nga verilindja e kontinetit në drejtim të rajonit tonë. Ngjyra e kaltër në fotografi tregon se temperaturat do të zbresin nën 0 gradë celsius. Do të kemi edhe erëra të ftohta veriore kurse enigma e madhe është tek të reshurat atmosferike. Modeli GFS jep reshje bore sidomos në territorin e Bosnës dhe Serbisë kurse shumë më pak në territorin e Republikës së Kosovës. Edhe në Maqedoni dhe Shqipëri sipas GFS nuk priten reshje të mëdha bore por reshje simbolike. Megjithatë është shumë herët për të dhënë konkluzione sa iu përket reshjeve të borës.
Fakti i sigurtë është se nga e Diela do të kemi reshje të reja shiu në tërë rajonin tonë, vende – vende edhe të dendura, kurse sa iu përket reshjeve të borës ato mbesin ende një enigmë. Informacione të reja në postimet tona të ardhshme./Meteoballkan.
