Sonte gjatë natës do të ketë kthjellim të pjesshëm të motit, ndërsa mbesin edhe disa vranësira. Siç e kemi theksuar në shumë postime në ato rajone ku do të ketë kthjjellime do të jetë më ftohtë, ndërsa ato rajone ku mbesin vranësirat mund të shpëtojnë nga acari për shkak të mburojes që ofrojnë vranësirat.
Në përgjithsësi në Kosovë temperaturat gjatë natës dhe mëngjesit të hershëm do të ulen nën 0 gradë Celsius, pra në “minus”. Ato pritet të lëvizin nga 0 deri në -5 GRADË Celsius, por në disa vise kryesisht kodrinore-malore mund të jetë edhe më ftohtë.
Edhe rajonin më gjerë e pret një natë mjaft e ftohtë. Në zonat malore të rajonit temperatura pritet të ulet deri në -10 gradë Celsius, ndërsa zonat e ulëta nga 0 deri në -3 gradë Celsius, varësisht nga rajonin në rajon.
Pra, para nesh nata dhe mëngjesi më kritik që mund të rrezikojë kulturat bujqësore dhe të pemëve me vegjetacion të hershëm.
Edhe netët e ardhshme në disa vise priten ngrica të dobëta (vetëm në disa rajone), por në përgjithësi acari do të vjen duke u zbutur dhe larguar në tërësi./Meteoballkan
