Një sistem me rrebeshe lokale shiu me vetëtima dhe bubullimë këtë mëngjes po qarkullon në Mal të Zi dhe veri të Shqipërisë. Sistemi ka hyrë edhe në territorin e Republikës së Kosovës, gjegjësisht në Rugovë dhe vise tjera në kufi me Malin e Zi duke kushtëzuar rrebeshe lokale atje dhe vranësira më të theksuara.
Sistemi po largohet në drejtim të jugperëndimit të Serbisë, ndërsa disa mini-stuhi po krijohen në Shqipëri vise tjera të Kosovës dhe Maqedoninë Veriore.
Gjatë gati tërë dites sot do të ketë shanse për zhvillime të rrebesheve lokale me vetëtima dhe bubullimë, ndërsa në orët e pasdite ka gjasa për stuhi të fuqishme lokale me bubullima dhe vetëtima masive. Ka gjasa që të ketë breshër për shkak të kontaktit mes temperaturave të larta dhe më të ulëta që vijnë së bashku me frontin e ftohtë.
Sigurisht së të gjitha do të jenë kalimtare, por apelohet për kujdes të shtuar në komunikacion dhe ambiente të hapura në kohën e shtrëngatave eventuale.
Stuhi të fuqishme lokale sot pritet të përfshijnë edhe Shqipërinë dhe shumë pjesë të Maqedonisë së Veriut./METEOBALLKAN
