Temperatura mjaft të larta po mbrëtërojnë në Evropë, për shkak të dominimit të masave të nxehta ajrore, ndërsa në Kosovë sot ishte mëngjes mjaft i këndshëm për shkak të freskimit të ajrit nga shiu i djeshëm.
Në Gjermani sot në mëngjes temperatura ishte 30 gradë Celsius, po shumë nxehtë ishte në Itali, Spanjë, Kroaci dhe Shqipëri. Më së nxehti ishte në Dalmaci me 35 gradë Celsius.
Edhe në Greqi po mbretërojnë masa shumë të nxehta ajrore, ndërsa ky shtet po lufton zjarret masive.
Sot gjatë dites edhe në Kosovë pritet rritje të ndjeshme të temperaturave, ndërsa në Shqipëri vazhdon vapa shumë e fortë verore. Nesër Kosova pritet të ngrohet edhe më shumë, me temperatura maksimale mbi 35 gradë Celsius, ndërsa pasnesër pasdite (e mërkurë) fatmirësisht priten rrebeshe lokale shiu me vetëtima dhe bubullimë dhe freskim i motit./MeteoBallkan
