Modeli global numerik për parashikim të motit “GFS” vazhdon të mbështesë goditjen dimërore afërsisht nga e marta apo e mërkura e javës së ardhshme.
Reshjet e shiut të cilat do të fillojnë në këtë fundjavë do të vazhdojnë vende – vende edhe në fillimin e javës së ardhshme. Të martën në mbrëmje do të fillojnë erërat e ftohta veriore dhe reshjet e shiut do të shndërrohën në reshje bore. Temperaturat do të shënojnë ulje dhe nga e mërkura ato vështirë se do të kalojnë mbi 0 gradë celsius. E kemi fjalën për Kosovën dhe Maqedoninë normalisht, gjithashtu edhe viset malore të Shqipërisë. Enigmë mbeten ende reshjet e dëborës apo sasia e reshjeve. Gjithsesi se do të kemi fluska bore por se a do të kemi reshje të dendura bore ende është herët të themi ndonjë konkludim. Në territorin e Shqipërisë përpos reshjeve të dendura të shiut nuk duhet pritur të kemi reshje bore me përjashtim të veriut dhe verilindjes së vendit e ndoshta edhe në lindje dhe juglindje, kurse Kosova dhe Maqedonia do të mbulohen me shtresa dekorative bore.
Sidoqoftë në postimin tonë të ardhshëm do të fokusohemi në reshjet e shiut të cilat na presin nga e diela dhe informacione tjera për reshjet e borës do të keni sapo të kemi rezultatet e analizave të modelit më të saktë në botë “ECMWF”.Meteoballkan.
