Ishte fundi i Korrikut të vitit 2003 dhe meteorologët francezë paralajmëruan për një valë të fuqishme nxehtësie që do të përfshijë Francën në fund të atij muaji e posaçërisht në fillim të Gushtit. Populli dhe organet lokale të vendit nuk e morën parasysh fare paralajmërimin duke vazhduar me punët dhe jetën e tyre të zakonshme. Fillojë vala e nxehtësisë dhe bashkë me të edhe katrahura e francezëve. Kryeqendra franceze Parisi u shndërrua në një varr masiv. Shumica e francezëve kishin ikur nëpër pushime duke i lënë njerëzit e moshuar në mëshirë të fatit, normalisht ata nuk e kanë paramenduar se çfarë do të pasonte pastaj.
Të paktën 14 000 deri në 15 000 francezë patën humbur jetën në Gushtin e vitit 2003 nga vala e fuqishme e nxehtësisë afrikane kryesisht nga mospërgaditja. Në tërë Evropën vdekjet që lidhen me të nxehtit e asaj vere besoni apo jo arrijnë shifrën deri në 50 mijë njerëz, ndërsa disa raporte shkojnë më larg duke përmendur shifrën 70 mijë njerëz të cilët kishin vdekur në një mënyrë apo tjetër si pasojë e të nxehtit ekstrem të Gushtit të vitit 2003 në Evropë. Kjo valë nxehtësie kishte ngjashmëri të madhe me valën e nxehtësisë së sivjetme.
Por, kësaj radhe francezët dhe evropianët tjerë mësuan nga gabimet e kaluara dhe u përgaditën duke dëgjuar paralajmërimet e meteorologëve dhe për këtë arsye kjo valë e fuqishme e nxehtësisë afrikane po kalon pa pasoja të mëdha në njerëz./Meteoballkan
