Reshjet e shiut do të fillojnë shumë shpejtë dhe do të intensifikohen orëve në vazhdim në tërë Kosovën, por edhe më gjerë në Shqipëri e më vonë edhe në Maqedoninë Veriore. Kjo vjen si pasojë e zhvendosjes së frontit të ftohtë nga veriperëndimi në drejtim të juglindjes. Më vonë gjatë natës ose orëve të hershme të mëngjesit në shumë rajone do të fillojnë reshje bore e në viset kodrinore-malore priten intervale reshjesh të dendura bore. Në zonat më të ulëta kryesisht shi e në disa vise reshje të përziera.
Reshje mund të ketë edhe në mëngjes dhe ndoshta edhe orëve në paradites në disa lokalcione. Gjatë ditës së Shtunë reshjet pushojnë por mbetet ftohtë, ndërsa pasdite vonë mund të ketë edhe intervale kohore me diell.
Pra, para nesh një natë me reshje atmosferike në gati të gjitha viset tona. Në Shqipëri kryesisht shi përpos zonave malore në veri dhe lindje ku pritet edhe borë, ndërsa në Kosovë borë mund të ketë edhe në disa zona si në Podujevë, Prishtinë dhe vendet përreth.
Temperaturat do të shënojnë ulje sidomos orëve të hershme të mëngjesit.
Siç theksuam edhe më lartë reshjet do të pushojnë të shtunën në mëngjes ose paradite ku vonë pasdite mund të kemi intervale kohore me diell. Të Dielen rritje e temperaturave ndërkohë një ciklon i ri vjen nga Italia. Pasdite ose në mbrëmje të Dielen vijnë reshje të reja shiu e bore në viset malore.
Erërat në mëngjes do të fryjnë të ftohta nga veriu, kurse të dielën do të fillojnë të fryjnë nga jugu dhe kjo do të shkaktojë rritje të temperaturave dhe reshje shiu orëve të mbrëmjes së të dieles.
Fillimi i javës së re me vranësira, intervale kohore me diell dhe reshje të cilat do të jenë të lokalizuara./MeteoBallkan
