Një tërmet me magnitudë 4.8 ka rënë rreth orës 21:57 në Jabuka, Splitsko-dalmatinska županija, në Kroaci.
Sipas Qendrës Europiane Mesdhetare të Sizmiologjisë tërmeti ka rënë në një thellësi prej 5 km dhe 40 km nga Spliti.
Deri më tani nuk raportohet për të lënduar apo dëme, por banorët e brigjeve dalmate tregojnë për forcën e madhe të lëkundjeve.
Kroacia është goditur nga disa tërmete përgjatë këtij viti. Më tragjiku ishte ai i 29 dhjetorit të kaluar, me magnitudë 6,3 të shkallës rihter. Për pasojë humbën jetën 7 persona dhe u regjistruan dëme të mëdha materiale.
