Fusha të fuqishme ciklonike kanë filluar të depërtojnë në Evropë nga veriu i Ishujve Britanik apo nga Oqeani Atlantik. Si pasojë, reshje të fuqishme shiu ka, apo do të ketë në Britaninë e Madhe, Francë, Gjermani, Zvicër, Austri, Shtetet e Beneluksit, Shtetet Baltike dhe Skandinave. Në viset malore priten reshje të herë pas hershme bore.
Fushat ajrore me presion të ulët atmosferik do të depërtojnë njëra pas tjerës dhe moti do të jetë pothuajse konstant jostabil në këto shtete. Pas përmirësimeve afatshkurtëra do të vijojnë destabilizime dhe reshje të reja shiu dhe bore varësisht nga lartësia mbidetare. Këto fusha të paqëndrueshme ajrore do të arrijnë në formë më të dobësuar edhe mbi rajonin tone duke shkaktuar reshje lokale dhe kryesisht të dobëta shiu gjatë javës që po hymë. Në viset malore do të ketë reshje të dobëta bore herë pas here.
Nga data 07 ose 08 Dhjetor fushat e paqëndrueshme ajrore do të përforcohen edhe mbi rajonin tonë duke sjellë reshje të dendura shiu dhe bore por është ende shumë herët të flasim me detaje për këtë periudhë kohore.Meteoballkan
