Sot do të kemi ndryshim të kushteve meteorologjike në rajonin tonë. Fillimisht, në Mal të Zi dhe Shqipërinë veriperëndimore pritet të fillojnë reshjet e shiut, kurse pasdite reshjet e shiut do të shtrihen në tërë territorin e Kosovës, Shqipërisë dhe në mbrëmje edhe në Maqedoni. Në Shqipëri dhe Mal të Zi, afër vendeve bregdetare mund të ketë edhe rrebeshe lokale shiu me vetëtima dhe bubullimë.
Në viset malore do të ketë reshje bore, kurse në mbrëmje dhe afër mesnatës reshje estetike bore priten edhe nëpër shumë qytete të Republikës së Kosovës. Në veri të Malit të Zi priten reshje të dendura por kalimtare bore. Reshjet do të jenë solide por nuk do të zgjasin shumë, sepse gjatë natës ato pritet të ndërpritën.
Të Dielën pas një mëngjesi të ftohtë gjatë ditës pritet ngritja e menjëhershme e temperaturave dhe kjo si pasojë e afrimit të një vorbulle të re ciklonike. Gjatë natës në të hënën priten reshje të përziera lokale shiu dhe bore, kurse gjatë ditës së hënë priten reshje të herëpashershme bore sepse do të kemi ulje të temperaturave. Reshjet nuk do të jenë intensive, vetëm gjatë kalimit të fronteve ajrore ato mund të jenë të dendura por shkurtimisht. Në viset malore pritet të krijohen disa cm. trashësi bore, kurse në disa vise të ulëta do të kemi ndonjë shtresë dekorative bore.
Informacione dhe detaje tjera në postimet tona të ardhshme në meteoballkan.com./Meteoballkan.
