Edhe kjo javë do të vazhdojë me temperatura të larta në rajonin tonë, por do të ketë edhe vranësira të shpeshta dhe vende-vende reshje atmosferike.
Reshjet do të fillojnë të shpeshtohen në Shqipëri, Mal të Zi dhe perëndim të Maqedonisë së Veriut. Fillimisht më shumë në viset kodrinore-malore të Shqipërisë dhe Maqedonisë së Veriut. Në Kosovë ende shumë thatë, por me zhvillime të izoluara në viset kodrinore-malore. Vazhdojnë temperaturat e larta për shkak të ndikimit konstant të masave ajrore të nxehta afrikane, megjithatë këto masa ajrore do të fillojnë të zbehen sidomos në Shqipëri, nga aktiviteti i madh ciklonik në Mesdheun perëndimor do të fillojë të shtrohet edhe në territorin shqiptar dhe malazez.
Temperaturat maksimale gjatë javës shënojnë ulje të lehta, por vazhdon nxehtësia sidomos në rajonet u nuk do të ketë freski shiu.
Rrebeshet e shiut do të shpeshtohen të enjten duke përfshirë edhe zona në Kossovë, por ende mbesin të izoluara. Me afrimin e fundjavës, afrohen edhe frontet e fuqishme nga Mesdheu dhe Italia ku në bregdetin shqiptar priten stuhi të fuqishme kalimtare. Veende-vende mund të ketë reshje intensive. Reshjet ende mund të jenë të pakta thellë në Kosovë dhe kjo do të varet nga zhvillimi dhe evoluimi i gjendjes sinoptike.
Ndryshimi i gjendjes sinoptike është i sigurtë, por mbeten enigmatike ende shumë detaje rreth këtij ndryshimi të motit që pritet nga fundjava. Deri atëherë nxehtë, por me vranësira të shpeshta lokale e stuhi lokale në token e Shqipërisë e më pak në Kosovë. Stuhitë do të jenë më të përhapura në viset kodrinore-malore, ndërsa afër fundjavës edhe në viset bregdetare.
Pra, edhe disa ditë nxehtë, pastaj me destabilizm gradual por të sigurtë dhe me ulje graduale të temperaturave.
Gjatë kësaj jave presim ndryshime ngase modelet nga tani ende nuk janë në gjendje të deshifrojnë në mënyrë shumë të saktë ndryshimin e motit, prandaj për çdo ndryshim eventual do të njoftoheni në postimet tona të përditshme./MeteoBallkan
