Inverzioni i temperaturave që kushtëzoë mjegullën do të shpërbëhet gjatë javës dhe në vend të mjegullës do të vranësira të shiut dhe ndërkohë lokalisht mund të ketë intervale kohore me diell.
Masa ajrore ciklonike janë zhvilluar në Mesdhe dhe në veri të Kontinentit kemi anticiklon të fuqishëm. Nga periferia e këtij anticikloni do të zhvendoset masa e ftohtë ajrore nga verilindja në drejtim të Evropes dhe pastaj edhe pjesë të Ballkanit, por fillimisht në viset tona do të vinë masa të ngrohta ajrore nga Mesdheu.
Cikloni afrohet në viset tona dhe erërat jugore do të sjellin ajrin më të ngrohtë nga Mesdheu së bashku me reshje, lokale të herëpashershme shiu.
Reshjet lokale të shiut do të fillojnë të Martën së pari në Shqipëri, pastaj në mbrëmje edhe në Kosovë dhe pjesë të Maqedonisë së Veriut, Malit të Zi dhe Luginë së Preshevës.
E mërkura do të karakterizohet me mot me vranësira e reshje të herëpashershme, lokale shiu ku në disa rajone mund të ketë intervale të shkurtra kohore me diell. Temperaturat në fillim në rritje për shkak të erërave jugore. Mbrëmjen e së mërkurës intensifikim i reshjeve në Kosovë dhe Maqedoninë Veriore.
Të Enjten ulje e temperaturave sepse e ftohtë ajrore nga verilindja do të fillojnë të ndikojnë në Kosovë dhe së bashku me reshjet e shiut në disa rajone do të ketë edhe reshje shqote e bore. Në viset kodrinore-malore pritet krijim i shtresave të borës por jo i madh, ndërsa në ultësira shumë pak. Reshje bore me ndonjë shtresë simbolike mund të ketë në disa ultësira të Rrafshit të Kosovës. Në Dukagjin shumë vështirë.
Reshje bore të enjten priten edhe në veriperëndim të Maqedonisë së Veriut dhe veri e lindje të Shqipërisë dhe atë kryesisht në viset malore.
Të Premten sipas ecurive aktuale sinoptike na pret mot i ftohtë dhe me reshje të pakta lokale bore. Në shumë vise nuk do të ketë fare reshje.
Fundjava vjen kryesisht e thatë dhe relativisht e ftohtë. Në mëngjes pritet të jetë acar.
Pra, një javë me reshje atmosferike dhe me largim të mjegullës. Mjegulla edhe pse largohet nuk do të kemi shumë diell sepse priten vranësira të cilat do të sjellin reshje jo shumë të mëdha atmosferike. Vranësirat e ulëta në disa rajone mund të mbesin edhe në kohën e reshjeve.
Të Enjten ulje e temperaturave dhe reshje bore mund të ketë edhe në disa ultësira të Kosovës, por jo reshje të mëdha.
Për shkak të dinamizimit të atmosferës ndryshime në parashikim gjatë kësaj jave mund të ketë dhe për çdo ndryshim do të njoftoheni në postimet tona të përditshme./MeteoBallkan
