Fillimi i javës së parë vjeshtore në rajonin tonë do të karakterizohet me mot tipik vjeshtor, nën ndikimin e masave të fuqishme ajrore ciklonike, priten reshje shiu, erëra nganjëherë të fuqishme dhe vende-vende rrebeshe mjaft të fuqishme shiu me vetëtima dhe bubullimë.
Nën ndikimin e masave ciklonike dhe reshjeve temperaturat shënojnë ulje, por jo të theksuara ngase do të jemi nën ndikimin e rrymimeve të ngrohta ajrore që vijnë nga jugu e perëndimi. Temperaturat minimale gjatë kësaj jave pritet të lëvizin nga 8 deri në 12 gradë Celsius, ndërsa ato maksimale nga 18 deri në 25 gradë Celsius, madje në Ultësirën Perëndimore të Shqipërisë në kohën e intervaleve kohore me diell do të jetë edhe më nxehtë, por më shumë pritet mot me vranësira.
Dita e hënë dhe nata e ardhshme mund të sjellin reshje mjaft intensive shiu në tërë rajonin. Nga e marta reshjet do të fillojnë të lokalizohen, por mbeten mjaft intensive në shumë vise të Shqipërisë duke rritur shanset për përmbytje lokale.
Në viset tjera nga e marta priten alternimes mes vranësirave e intervaleve kohore me diell si dhe erëra vende-vende të fuqishme nga jugperëndimi. Gjithnjë do të ketë gjasa për rrebeshe lokale shiu me vetëtima dhe bubullimë.
Reshjet më të fuqishme në nivel rajoni priten sonte në mbrëmje dhe gjatë natës ku mund të ketë përmbytje lokale në Shqipëri, por edhe në Kosovë.
Pra, kjo javë sjellë reshje të forta shiu në fillimet e saj. Nga e marta reshjet do të jenë më të lokalizuara, por mbeten shumë intensive në disa vise të Shqipërisë.
Nga e mërkura e tutje na pret mot me intervale kohore me diell dhe vranësira lokale. Ende do të ketë gjasa për riga ose rrebeshe afatshkurtra shiu e më të theksuara në disa Qarqe të Shqipërisë. Temperaturat shënojnë rritje të lehta.
Edhe për fundjavë na pret mot i ngjashëm, me mundësi për reshje të reja shiu të cilat vende-vende mund të jenë të dendura.
Ishte ky parashikimi javor i motit bazuar në ecuritë më të fundit sinoptike dhe duke pas para sysh dinamiken e fortë të atmosferes ndryshime në parashime pak më afatgjata mund të ketë. Për çdo ndryshim eventual do ju lajmërojmë në postimet tona të përdtishme./MeteoBallkan
