Tendencat më të fundit meteorologjike mbi rajonin tonë favorizojnë vazhdimin e thatësisë dhe ngirtjen e theksuar të temperaturave. Kjo vjen si pasojë e fuqizimit e papritur të anticikloni të Azoreve mbi rajonin tonë.
Ky anticiklon nuk do të lejojë të kemi reshje atmosferike dhe gjithashtu do të “hap korridorin” për depërtimin e masave të nxehta ajrore me origjinë nga Afrika Veriore në drejtim të rajonit tonë.
Sot dhe nesër freskët dhe ftohtë në tërë rajonin, kurse nga e mërkura pritet të kemi ngritje të theksuara të temperaturave. Nëpër lugina do të ketë mjegull sidomos netëve dhe mëngjeseve, kurse ditët do të jenë mjaft të këndshme.
Të enjtën ose të premtën do të kemi depërtimin e një fronti të dobët por aspak premtues për reshje të shiut. Reshjet mund të paraqiten në disa rajone dhe ato pritet të jenë simbolike. Në fundjavë përsëri stabilizim i motit dhe ngritje e temperaturave, pra do të kemi një mini-verë në mes të Tetorit apo siç quhet “vera-indiane” për të cilet do të flasim detajisht ditëve të ardhshme.
Ishte ky parashikimi i motit për këtë javë gjykuar në bazë të ecurive më të fundit sinoptike dhe nëse ka ndonjë ndryshim eventual do tju njoftojmë në postimet tona të përditshme./Meteoballkan
