Nesër në Kosovë do të mbajë mot i ndryshueshëm dhe i vranët, me pak diell, kurse vende vende do të ketë edhe rrebeshe shiu me vetëtima dhe bubullimë.
Mot i ngjashëm do të mbajë edhe në Shqipëri dhe Maqedoni pra, me riga lokale shiu dhe vende vende edhe me rrebeshe lokale me vetëtima dhe bubullimë.
Cikloni i cili do ti sjell këto reshje lokale është dobësuar shumë dhe është i njëjti ciklon i cili Italisë jugore i solli reshje dhe vërshime ditëve të kaluara.
Nga e Marta cikloni do të shpërbëhet tërësisht dhe mbi rajonin tonë do të fuqizohet përsëri anticikloni nga Evropa. Ky anticiklon do të na sigurojë edhe disa ditë mjaft stabile dhe relativisht të nxehta nga e Marta e tutje./Meteoballkan.
