Nesër në Kosovë do të mbajë mot mjaft i nxehtë dhe kryesisht me diell. temperaturat do të shënojnë ulje të lehta si pasojë e kalimit të një fronti të dobët të ftohtë ajror. Pasdite në disa rajone ka gjasa minimale për ndonjë rrebesh shiu të izoluar.
Në Shqipëri do të mbajë mot kryesisht me diell paradite, por pasdite në disa rajone përsëri priten zhvillime të vranësirave dhe rrebeshe lokale shiu. Temperaturat edhe këtu do të shënojnë një rënie shumë të lehtë.
Edhe në Maqedoni mot kryesisht me diell dhe mjaft i nxehtë, megjithatë temperaturat mund të shënojnë ulje të lehtë.
Ditëve të para të javës së ardhshme do të kemi depërtimin e sërishëm të ajrit të nxehtë afrikan mbi rajonin tonë, kështu që do të kemi ngritje të sërishme të temperaturave të cilat do të arrijnë deri në 34 në Kosovë si dhe 36 apo 37 në Shqipëri dhe Maqedoni.
Të Mërkurën në Kosovë, Shqipëri dhe Maqedoni do të kemi zhvillim vranësirash të cilat do të na sjellin rrebeshe shiu të shoqëruara me vetëtima dhe bubullimë.
Meteoballkan.
