Qershori në Kosovë do të fillojë me mot mjaft të paqëndrueshëm dhe të freskët. Nesër gjatë ditës në Kosovë pritet vranësira të shpeshta të cilat herë pas here pritet të kushtëzojnë rrebeshe lokale shiu me vetëtima, bubullimë dhe mundësi edhe për breshër. Në mbrëmje stabilizim i motit.
Në Shqipëri, Maqedoninë Veriore, Mal të Zi dhe Luginën e Preshevës nesër pritet mot me intervale kohore me diell dhe vranësira. Vende-vende priten reshje shiu dhe rrebeshe lokale me vetëtima dhe bubullimë. Jugu, perëndimi dhe bregdeti i Shqipërisë kryesisht pa reshje.
Nga e mërkura pëmirësim i motit në tërë rajonin për shkak të largimit të mases jo-stabile ajrore ciklonike dhe zëvendësimin e saj me një masë më stabile ajrore anticiklonike, megjithatë nuk priten rritje të mëdha të temperaturave. Priten alternime mes vranësirave dhe intervaleve kohore me diell. Temperaturat shënojnë ngritje graduale, ndërsa shumica absolute e territoreve të rajonit tonë nuk do të kenë reshje. Shumë rrallë në ndonjë rajon kryesisht kodrinoro-malore mund të ketë ndonjë rigë ose rrebesh afatshkurtër shiu. Kjo gjendje (kryesisht stabile) pritet të zgjasë më së largu deri të hënën kur përsëri pritet të ketë destabilizim të fuqishëm të atmosferës./Meteoballkan
