Dita e parë e Gushtit do të fillojë me mot mjaft të nxehtë në Kosovë dhe i nxehti do të ndjehet më shumë për shkak të lagështisë së lartë të ajrit se sa për shkak të temperaturave të larta. Nesër në Kosovë pritet të mbajë mot kryesisht me diell dhe i nxehtë. Pasdite në disa rajone priten rrebeshe të izoluara shiu me vetëtima dhe bubullimë.
Në Shqipëri nesër pritet të mbajë mot mjaft i nxehtë dhe me diell. Për shkak të lagështisë së ajrit temperaturat do të duken sikur janë më të larta se ato reale. Pasdite vonë në disa vise malore mund të ketë riga lokale shiu.
Në Maqedoninë e Veriut dhe Mal të Zi nesër do të mbajë mot mjaft i nxehtë dhe me diell. Pasdite në veriun e Malit të Zi priten rrebeshe lokale shiu me vetëtima dhe bubullimë.
Pasnesër në tërë rajonin pritet të mbajë mot shumë i nxehtë dhe me zagushim. Pasdite vonë në disa rajone në Kosovë priten rrebeshe të izoluara shiu me vetëtima dhe bubullimë.
Të shtunën në Kosovë pritet të kemi mot mjaft jostabil me rrebeshe lokale shiu me vetëtima dhe bubullimë si pasojë e kalimit të një fronti të ftohtë ajror. Në viset tjera të rajonit priten reshje të izoluara, por do të ketë ulje të lehta të temperaturave.
Të dielën më freskët, me vranësira kalimtare dhe intervale kohore me diell./Meteoballkan
