Nesër në Kosovë do të mbajë mot me diell dhe mjaft i nxehtë. Nxehtësia do të jetë relativisht e lartë sepse nesër do të jemi nën ndikimin e masave ajrore të nxehta para-frontale. Pra, vetëm edhe nesër do të kemi mot veror.
Edhe në Shqipëri, Maqedoninë Veriore dhe Mal të Zi nesër pritet të mbajë mot kryesisht me diell dhe mjaft i nxehtë. Gjatë orëve të vona të mbrëmjes në disa rajone në Shqipërinë bregdetare do të fillojnë rrebeshe lokale shiu me vetëtima dhe bubullimë. Reshjet do të zgjerohen gradualisht gjatë nates dhe dites së enjte në tërë territorin e Republikes së Shqipërisë. Vende-vende priten rrebeshe të fuqishme shiu me vetëtima dhe bubullimë të cilat do të shkatojnë vërshime të shpejta afatshkurtëra.
Të enjtën cikloni do të përfshijë edhe Kosoven me reshje shiu, lokalisht edhe rrebeshe shiu me vetëtima dhe bubullimë. Gjatë dites pritet intensifikim i reshjeve veqanërisht pasdite dhe në mbrëmje. Priten reshje të dendura shiu të cilat në disa rajone mund të shkaktojnë edhe vërshime të afatshkurtëra të shpejta.
Të enjtën rrebeshe dhe reshje të dendura shiu do të përfshijnë edhe Maqedoninë Veriore dhe Malin e Zi. Priten edhe ulje të theksuara temperaturave në tërë rajonin ndërsa në viset më të larta malore do të paraqiten edhe reshjet e para të dëbores.
Të premtën në tërë rajonin të reshurat do të ndërpriten me përjashtim të jugut të Shqipërisë dhe do të mbajë mot i freskët, me vranësira dhe ndonjë interval kohor me diell.
Reshjet e shiut mund të rikthehen përsëri të shtunën pasdite si pasojë e ardhjes së mbetjeve apo Ex-uraganit Lorenzo në formë të një fronti apo cikloni të zakonshëm./Meteoballkan
