Nesër në Kosovë pritet të mbajë mot me intervale të gjata kohore me diell dhe vranësira të pakta lokale. Erërat jugore dhe jugperëndimore pritet të fuqizohen gradualisht, ndërsa temperaturat pritet të jenë mjaft të larta për këtë periudhë kohore. Temperatura maksimale pritet të arrijë deri në 16 gradë Celsius.
Në Shqipëri dhe tërë rajonin nesër pritet të mbajë mot me intervale të gjata kohore me diell dhe vranësira të pakta lokale. Pritet të jetë mjaft ngrohtë për këtë periudhë kohore.
Edhe ditëve të ardhshme pritet mot i ngrohtë, me alternime mes vranësirave dhe intervaleve të gjata kohore me diell. Herë pas here dhe vende-vende priten erëra të fuqishme jugore dhe jugperëndimore. Në Shqipëri priten riga të dobëta lokale shiu.
Ndryshim gradual i motit pritet nga e enjta, kur pritet të ketë shtim gradual të vranësirave dhe riga lokale shiu. Me uljen e temperaturave vende-vende priten fjolla dëbore./MeteoBallkan
