Nesër në Kosovë do të mbajë mot me vranësira dhe intervale kohore me diell.Gjatë ditës do të jetë relativisht nxehtë. Në mbrëmje dhe gjatë natës priten vranësira të shumta të cilat do të sjellin edhe reshje lokale shiu, kurse në viset malore priten edhe reshje bore. Temperaturat do të pësojnë ulje gjatë natës sepse do të fillojnë të fryjnë erëra nga ana e veriut.
Në Shqipëri nesër mot me intervale kohore me diell dhe vranësira kalimtare. Do të jetë relativisht nxehtë. Në disa rajone ka gjasa për riga të dobëta shiu, kurse gjatë natës në veri dhe verilindje të vendit priten reshje shiu në ultësira kurse reshje bore në viset malore. Reshjet do të jenë kalimtare.
Në Maqedoni dhe Mal të Zi nesër mot i ndryshueshëm. Në Mal të Zi nga mbrëmja priten reshje shiu në jug, kurse reshje bore në veri të vendit, ndërsa në Maqedoni mund të ketë riga lokale shiu, respektivisht bore në viset malore vetëm gjatë natës vonë.
Të mërkurën në mëngjes do të ketë ndërprerje të të reshurave eventuale atmosferike dhe moti do të kthjellohet por do të jetë ftohtë gjatë tërë ditës.
Të Enjtën pas mëngjesit me ngrica dhe mjegull në shumë pjesë të rajonit tonë gjatë ditës pritet përmirësim i motit dhe ngritje e temperaturave./Meteoballkan.
