Nesër në Kosovë pritet të mbajë mot jashtëzakonisht i nxehtë veror dhe kryesisht me diell. Ajri i nxehtë afrikan do të ketë ndikim direkt në rritjen e temperaturave.
Minimalja parashihet të zbres deri në 14 gradë Celsius, kurse maksimalja pritet të arrijë deri në 35gradë Celsius.
Në Shqipëri, Maqedoninë e Veriut, Luginë të Preshevës dhe Mal të Zi nesër pritet të mbajë mot me diell dhe shumë i nxehtë veror. Në gjithë rajonin pritet ndikimi i drejtpërdrejt i ajrit mjaft të nxehtë me origjinë nga Afrika veriore.
Menjëherë të dielën në Kosovë do të depërtojnë masa ajrore pak më të freskëta nga veriu. Edhe pse do të mbetet nxehtë dhe kryesisht me diell, temperaturat do të shënojnë ulje krahasuar me ditën paraprake për shkak të erërave paksa më të freskëta nga verit. Ndryshe në Shqipëri do të vazhdojë vapa intensive si dhe në pjesën më të madhe të Maqedonisë së Veriut.
Fillimi i javës së re do të karakterizohet me mot stabil dhe kryesisht me diell. Temperaturat verore do të vazhdojnë por asgjë ekstreme. Nxehtësi e madhe vetëm në perëndim të Shqipërisë dhe pjesë të Maqedonisë së Veriut./MeteoBallkan
