Nesër në Kosovë do të mbajë mot i ngjashëm sikurse sot, pra me diell dhe vranësira kalimtare. Temperaturat do të shënojnë ulje shumë të lehta. Reshje nuk do të ketë sepse do të vazhdojmë të jemi nën ndikimin e masave të thata ajrore anticiklonike të cilat na sigurojnë mot pa të reshura atmosferike.
Edhe në Shqipëri dhe Maqedoni nesër nuk pritet ndonjë ndryshim i motit. Do të vazhdojë të mbajë mot me diell dhe vranësira kalimtare kryesisht të shtresave të larta atmosferike. Temperaturat mund të shënojnë ulje shumë të lehta.
Edhe ditëve të ardhshme nuk parashihet të kemi ndonjë ndryshim të motit. Do të vazhdojë të mbajë mot kryesisht stabil dhe me erëra të lehta deri mesatare nga ana e juglindjes. Temperaturat do të vijnë duke u ulur në vlerat e tyre por jo ndjeshmërisht. Masat e fuqishme anticiklonike nuk kanë ndërmend të lëshojnë pe dhe fatkeqësisht thatësira do të vazhdojë edhe ditëve të ardhshme. Reshje atmosferike nuk shihen ende në horizont dhe kjo duket pak shqetësuese sidomos për bujqit tanë. Nëse ka ndonjë ndryshim eventual do të njoftoheni me kohe nga ne./Meteoballkan
