Nesër në Kosovë pritet të kemi mot të këndshëm pranveror. Priten intervale të gjata kohore me diell dhe zhvillime lokale të vranësirave ditore, por pa reshje atmosferike. Temperaturat shënojnë rritje dhe ajo maksimale pritet të arrijë deri në 13 gradë Celsius.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot kryesisht me diell dhe vranësira të pakta lokale. Temperaturat shënojnë rritje dhe pritet mot mjaft i këndshëm pranveror.
Të dielën edhe më ngrohtë, me intervale të gjata kohore me diell dhe vranësira të pakta lokale. Temperaturat në Kosovë deri në 25 ose 26 gradë Celsius. Pasdite vonë përreth disa viseve malore mund të ketë rrebeshe të izoluara shiu me bubullimë.
Nga e hëna pasdite destabilizim i fuqishëm i motit me rrebeshe lokale shiu me vetëtima dhe bubullimë, kryesisht në Kosovë, veri të Malit të Zi dhe Maqedoninë Veriore. Në Shqipëri dhe perëndim të Maqedonisë së Veriut do të jetë mot me diell dhe i ngrohtë.
Nga e marta në tërë rajonin priten vranësira, intervale kohore me diell dhe reshje lokale shiu. Temperaturat do të shënojnë ulje./METEOBALLKAN
