Nesër në Kosovë pritet të mbajë mot me intervale të gjata kohore me diell dhe vranësira të herëpashershme. Priten rritje të temperaturave ku ajo maksimale mund të arrijë deri në 31 gradë Celsius në nivel vendi.
Në Shqipëri, Maqedoninë Veriore, Luginë dhe Mal të Zi nesër pritet të mbajë mot me intervale të gjata kohore me diell dhe vende-vende me vranësira kalimtare. Nuk priten reshje atmosferike. Temperaturat fillojnë të shënojnë rritje në tërë rajonin.
Nga e mërkura në tërë rajonin na pret mot me diell dhe me vapë tropikale. Temperaturat makismale pritet të luhatën nga 32 deri në 35 gradë Celsius në Kosovë, ndërsa në Shqipëri, Maqedoninë Veriore dhe Mal të Zi, vende-vende temperaturat pritet të arrijnë deri në 37-38 gradë Celsius.
Destabilizim të pjesërishëm të motit mund të kemi të premtën pasdite vonë, ndërsa të shtunën priten rrebeshe lokale shiu me vetëtima, bubullimë dhe mundësi edhe për breshër./Meteoballkan
