Sonte në tërë territorin e Republikës së Kosovës pritet të fillojnë reshjet e shiut. Borë vetëm nëpër male. Reshje më intensive priten në rajonin e Dukagjinit.
Nesër në Kosovë do të mbajë mot krejtësisht i vranët dhe me reshje shiu. Ka mundësi që të ketë edhe reshje të përziera me borë. Në male reshje bore. Gjatë ditës ose pasdites reshjet do të pushojnë, për të rifilluar përsëri orëve të vonshme.
Në Shqipëri, Maqedoninë Veriore dhe Mal të Zi nesër pritet të mbajë mot krejtësisht i vranët dhe me reshje shiu. Vende-vende priten reshje intensive shiu. Borë vetëm nëpër male.
Të premten në tërë rajonin na pret mot plotësisht i vranët dhe me reshje shiu. Në veri të Shqipërisë dhe Dukagjin priten reshje intensive shiu herë pas here, lokalisht edhe në disa vise tjera.
Për fundjavë na pret mot krejtësisht i vranët dhe me reshje atmosferike. Sipas ecurive aktuale në Kosovë priten reshje bore herë pas here intensive. Në Shqipëri dhe Maqedoninë Veriore reshje shiu. Reshje bore mund të ketë edhe në disa vise në veriperëndim dhe veri të Maqedonisë si dhe normalisht në veri dhe verilindje të Shqipërisë./Meteoballkan