Nesër në Kosovë pritet të mbajë mot kryesisht i vranët dhe vende-vende me reshje të herëpashershme bore të koncentruara më shumë në viset kodrinore-malore. Temperaturat pritet të luhaten nga -3 deri në 4 gradë Celsius.
Në Shqipëri dhe rajon nesër pritet të mbajë mot kryesisht i vranët dhe i ftohtë, me reshje shiu e bore. Në Shqipërinë mesdhetare priten edhe rrebeshe lokale shiu me vetëtima dhe bubullimë, ndërsa në viset kontinentale priten herë pas here reshje pak më intensive bore sidomos në lindje- juglindje të vendit dhe lokalisht edhe në perëndim të Maqedonisë së Veriut. Gjatë natës dhe mëngjesin e së martën fjolla bore mund të ketë edhe në disa vise mesdhetare të Shqipërisë.
Mot i ngjashëm, me vranësira dhe i ftohtë pritet të mbajë edhe ditëve të ardshme, ku herë pas here priten edhe reshje bore më të koncentruara në viset kodrinore-malore. Nga e enjta edhe më ftohtë kur temperaturat minimale pritet të ulen deri në -10 gradë Celsius. Në viset malore të rajonit tonë edhe më ftohtë. Reshje lokale bore priten edhe të enjtën. Nga e Premta na pret mot kryesisht i thatë, por shumë i ftohtë. Përmirësim të motit dhe rritje të temperaturave pritet të kemi krejt në fund të javës./MeteoBallkan
