Nesër në Kosovë na pret mot i kthjellët, i nxehtë dhe me diell.
Temperaturat do të pësojnë ulje ato minimale dhe pritet të zbresin deri në 12 gradë Celsius, ndërsa ato maksimale pa ndonjë ndryshim dhe do të vazhdojnë të jenë tipike verore deri në 30 apo 31 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot kryesisht me diell, stabil dhe i nxehtë veror në të gjitha viset. Shumë nxehtë në perëndim e qendër të Shqipërisë dhe në zonat më të ulëta të Maqedonisë së Veriut e jugut të Malit të Zi.
Dita e martë do të jetë më e nxehtë në Kosovë dhe me diell. Temperaturat do të shënojnë rritje përsëri deri në 32 apo 33 gradë Celsius maksimalet.
Mjaft nxehtë të martën edhe në Shqipëri dhe Maqedoninë Veriore. Vetëm në jug të Shqipërisë orëve të pasdites do të ketë disa vranësira e ndonjë rigë ose rrebesh i izoluar shiu.
Të mërkurën na pret mot mjaft i nxehtë veror me një ndryshim të vogël. Vranësirat do të fillojnë të shfaqen lokalsiht dhe me mundësi edhe për rrebeshe të izoluara shiu me vetëtima dhe bubullimë. Ende pa reshje në tërë rajonin, por vetëm në disa zona të izoluara. Temperaturat do të vazhdojnë të jenë mjaft të larta./MeteoBallkan
