Nesër në Kosovë pritet të mbajë mot me diell dhe i ngrohtë për këtë periudhë kohore, por normalisht mëngjesi do të jetë i freskët dhe i ftohtë, vende-vende do të ketë brymë.
Temperaturat pritet të lëvizin nga 3 minimalja deri në 25 gradë Celsius ajo maksimale.
Në Shqipëri, Maqedoninë e Veriut, Luginë të Preshevës dhe Mal të Zi nesër pritet të mbajë mot kryesisht me diell e në disa rajone do të ketë vranësira të shtresave të larta kalimtare. Temperaturat do të vazhdojnë të jenë të larta, përkundër mëngjesit mjaft të freskët e në disa rajone edhe të ftohtë.
Të enjten fillon ndryshimi i motit. Së pari në viset brregdetare të Shqipërisë, pastaj edhe në disa vise tjera të Shqipërisë, Kosovës e Maqedonisë së Veriut priten reshje lokale shiu e vende-vende rrebeshe lokale me vetëtima dhe bubullimë, por do të vazhdojë të jetë ende mjaft ngrohtë sidomos në rajone ku do të ketë periudha me diell e që nuk do të jenë të pakta.
Të premten intensifikim i reshjeve, rrebeshe e stuhive të shiut në shumë pjesë të Shqipërisë, e reshje-rrebeshe lokale priten edhe në shumë pjesë të Kosovës dhe Maqedonisë së Veriut. Në pjesë të Kosovës ende shumë pak reshje.
Fundjava me vranësira, periudha me diell e me reshje të shpeshta lokale. Reshje priten edhe të dielen sipas parashikimeve më të fundit./MeteoBallkan
