Nesër në Kosovë pritet të mbajë mot shumë i nxehtë veror dhe kryesisht me diell. Nata dhe mëngjesi do të jenë kogja të freskëta. Temperaturat parashihet të luhaten nga 12 deri në 33 gradë CelsiuS.
Në Shqipëri , Maqedoninë e Veriut, Luginë të Preshevës dhe Mal të Zi nesër pritet të mbajë mot kryesisht me diell dhe shumë i nxehtë veror, ekstremisht nxehtë do të jetë në shumë pjesë në perëndim dhe qendër të Shqipërisë, jug të Malit të Zi dhe zonat më të ulëta të Maqedonisë së Veriut.
Pasdite në disa vise në Shqipëri do të ketë shtim të disa vranësirave dhe zhvillim konvektiv i tyre me mundësi për një rrebesh të izoluar dhe ndonjë vetëtimë dhe bubullimë. Këto zhvillime do të jenë në zona krejtësisht të izoluara.
E mërkura e nxehtë në të gjitha viset, por atmosfera do të vjen duke u destabilizuar. Edhe pse me zhvillime të izoluara vende-vende mund të krijohen kushte për ndonjë rrebesh të fuqishëm shiu me vetëtima dhe bubullimë. Shtrëngata mund të ketë sidomos në veriperëndim të Maqedonisë së Veriut, lokalisht edhe në disa vise tjera në Maqedoni, Kosovë dhe Shqipëri, por vazhdon vapa dhe zagushia e fortë.
Nga e enjta vlene të përmendet se stuhi e reshje të nendura shiu do të përfshijnë Slloveninë, shumë pjesë të Kroacisë e disa pjesë të Bosnjë dhe Hercegovinës me ulje të temperaturave, kurse në viset tona temperaturat do të vazhdojnë të jenë ende mjaft të larta, por me mundësi për zhvillime sporadike konvektive dhe gjasa për rrebeshe lokale shiu me vetëtima dhe bubullimë ku mund të krijohen edhe ndonjë shtrëngatë më e fuqishme e izoluar.
