Nesër në Kosovë pritet të mbajë mot i vranët dhe i ftohtë, herë pas here me reshje shiu. Nuk priten reshje të mëdha shiu. Në viset malore priten reshje të herëpashershme bore.
Në Shqipëri nesër pritet të mbajë mot kryesisht i vranët dhe herë pas here me reshje lokale shiu. Në jug dhe perëndim të vendit vende-vende priten rrebeshe intensive shiu me vetëtima dhe bubullimë.
Reshje të herëpashershme shiu nesër priten edhe në Maqedoninë Veriore, Luginën e Preshevës dhe Mal të Zi, ndërsa në viset e larta malore priten reshje të herëpashershme bore. Në Mal të Zi reshje bore priten edhe në vise më të ulëta në veri të vendit.
Të dielen do të vazhdojë të mbajë mot i vranët dhe me reshje të herëpashershme shiu. Në Shqipëri pasdite vonë priten rrebeshe intensive shiu me vetëtima dhe bubullimë kryesisht në viset bregdetare. Edhe në viset tjera pritet një valë reshjesh të dendura shiu, por e cila nuk pritet të zgjasë shumë.
Nga e hëna na pret mot mjaft i freskët, me reshje lokale shiu kryesisht të intensitetit më të dobët. Në viset malore fjolla të herëpashershme bore./Meteoballkan
