Orëve të hershme të mëngjesin fjolla bore priten në disa zona të izoluara të Kosovës, ndërsa dita vazhdon me vranësira të shumta, por edhe me mundësi për intervale të shkurtra kohore me diell, ndërsa vonë pasdite lokalisht prapë priten reshje shiu.
Temperaturat pritet të luhaten nga 0 minimalja deri në 10 gradë Celsius ajo maksimale.
Në Shqipëri, Maqedoninë Veriore, Luginë të Preshevës dhe Mal të Zi e martja sjellë vranësira të shumta dhe në disa zona mundësi për intervale kohore me diell, ndërkohë që vazhdojnë reshjet lokale të shiut herë pas here.
Mot të ngjashëm presim edhe ditëve të ardhshme, pra me shumë vranësira sidomos në Shqipëri dhe reshje të herëpashershme shiu më të shpeshta në Shqipëri, por nganjëherë edhe në Kosovë dhe Maqedoninë Veriore. Parashihen edhe periudha me intervale kohore me diell në disa rajone.
Temperaturat do të shënojnë rritje të lehta graduale për shkak të vazhdimit të pandërprerë të rrymimeve të fuqishme ajrore nga perëndimi dhe jugu./MeteoBallkan
