Nesër në Kosovë pritet të mbajë mot i ngrohtë, me intervale kohore me diell dhe vranësira të cilat rrallë në disa rajone mund të kushtëzojnë ndonjë rigë ose rrebesh të izoluar shiu me vetëtima dhe bubullimë.
Në Shqipëri nesër pritet të mbajë mot me intervale kohore me diell dhe vranësira të cilat pritet të kushtëzojnë rrebeshe të izoluara, afatshkurtra shiu me vetëtima dhe bubullimë. Nuk priten reshje në tërë territorin.
Moti i ngjashëm pritet nesër edhe në Maqedoninë e Veriut dhe Mal të Zi, pra me alternime mes vranësirave dhe intervaleve kohore me diell. Pritet të jetë ngrohtë dhe me zagushi dhe rrallë në disa rajone priten rrebeshe të izoluara shiu me vetëtima dhe bubullimë.
Ditëve të ardhshme nuk pritet ndonjë ndryshim i madh i motit. Priten vranësira dhe intervale të gjata kohore me diell si dhe rrallë në disa rajon rrebeshe të izoluara shiu me vetëtima dhe bubullimë, kryesisht në territorin shqiptar./Meteoballkan
