Në tërë rajonin tonë sonte gjatë natës pritet që të kemi shtim të vranësirave dhe reshje atmosferike. Reshjet nuk pritet të jenë të fuqishme, me ndonjë përjashtim të vogël. Në Shqipëri reshjet do të jenë në formë shiu, përpos në viset malore ku priten reshje të dobëta bore. Në Kosovë reshjet do të jenë të përziera, shi dhe pastaj edhe borë vende-vende. Në intervale të shkurtëra reshjet mund të jenë të dendura.
Nesër në Kosovë do të mbajë mot me vranësira dhe herë pas here reshje kryesisht të dobëta bore. Temperaturat do të shënojnë ulje sidomos pasdite dhe në mbrëmje kur do të kemi edhe fillimin e fuqizimit të erërave të ftohta veriore.
Në Shqipëri pas shirave të natës nesër nuk priten reshje atmosferike përpos rigave lokale të dobëta të shiut dhe borës në viset malore. Edhe në Maqedoni nuk priten reshje të mëdha por reshje të dobëta dhe herë pas here. Më së paku reshje do të ketë në Maqedoni.
Të martën do të mbajë mot më i ftohtë me erëra të dobëta deri mesatare veriore dhe vranësira kalimtare të cilat në raste të rralla mund të sjellin ndonjë fjollë bore. Edhe të mërkurën mot i ngjashëm kurse nga e Enjta do të kemi ciklonin e ri nga Mesdheu i cili do të na sjellë reshje atmosferike. Për këtë dhe informacione tjera në postimet tona të ardhshme në Meteoballkan./Meteoballkan.
