Nesër në Kosovë pritet të mbajë mot mjaft i ftohtë, me vranësira dhe intervale kohore me diell si dhe me reshje të herëpashershme bore. Lokalisht priten rrebeshe bore të cilat në intervale jo të gjata mund të jenë të dendura dhe mjaft estetike për parë. Do të fryjnë erëra të ftohta nga veriu dhe verilindja, ndërsa temperaturat pritet të luhaten nga -6 deri në 2 gradë Celsius. Në mbrëmje kthjellim i motit dhe ulje e ndjeshme e temperaturave.
Në Shqipëri dhe rajon nesër pritet të mbajë mot i ftohtë, me intervale kohore me diell dhe vranësira lokale. Ende në disa vise priten reshje afatshkurtra bore.
Të shtunën më shumë rreze diellore gjatë ditës, por pritet acar i fortë gjatë natës dhe mëngjesit me temperatura minimale deri në -12 gradë Celsius. Në viset e thella malore edhe më acar. Gjatë ditës të shtunën ftohtë dhe me erëra veriore, ndërsa të dielën pak më butë me temperatura maksimale rreth 6 deri 7 gradë Celsius në Kosovë, ndërsa në Shqipëri rreth 12 gradë Celsius.
Nga e hëna pak më ngrohtë gjatë ditës, me intervale të gjata kohore me diell dhe vranësira të pakta lokale. Mëngjeset ende do të jenë me acar, por pritet acar shumë më i butë./MeteoBallkan
