Nesër në Kosovë pritet të mbajë mot me vranësira të dendura e reshje lokale shiu gjatë orëve të hershme të mëngjesit, por reshjet pritet të pushojnë në mëngjes apo paradite dhe pastaj do të ketë intervale kohore me diell dhe atmosfera do të stabilizohet gradualisht.
Temperaturat pritet të pësojnë ulje të lehta dhe maksimalet pritet të lëvizin nga 11 deri në 14 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi pritet mot i ngjashëm sikur në Kosovë. Në mëngjes vranësira të dendura dhe reshje lokale shiu, por pastaj pason kthellimi i motit që vjen nga veriperëndimi në drejtim të juglindjes. Në disa zona në Shqipëri të mesme dhe lindore si dhe në pjesë të Maqedonisë së Veriut priten disa riga shiu edhe gjatë ditës.
Nga e mërkura na pret mot stabil, me mëngjese të ftohta të cilat pritet të sjellin ngrica lokale dhe mjegull nëpër disa lugina. Ditët kryesisht me diell dhe vranësira të pakta lokale e kalimtare. Temperaturat mëngjeseve mund të zbresin deri në 1, 0 apo -1 në ndonjë rajon, kurse temperaturat ditore do të shënojnë rritje graduale progresive./MeteoBallkan
