Pasi që moti është kthjelluar në shumë rajone dhe toka është e mbuluar tërësisht me borë atëherë na pret një natë mjaft e ftohtë, ku temperaturat minimale në viset malore mund të ulën deri në minus 17 gradë celsius kurse në viset e ulëta rreth minus 14 gradë celsius. Gjatë natës nëpër lugina ka gjasa që të krijohet edhe mjegulla e cila do të qëndrojë edhe nesër në mëngjes. Mëngjesi do të jetë mjaft i ftohtë.
Në Kosovë nesër mot mjaft i ftohtë kurse gjatë ditës pritet ngritje graduale e temperaturave. Mund të ketë edhe intervale kohore me diell dhe vranësira kalimtare përveq në ato rajone ku evntualisht do të krijohet dhe qëndrojë mjeguall. Mot i ngjashëm sikur në Kosovë do të mbajë edhe në Shqipëri, Maqedoni dhe Mal të Zi.
Edhe të dielën pritet mot krejtësisht i ngjashëm vetëm se temperaturat do të zbutën dukshëm dhe do të jenë më të larta. Pasdite në disa rajone të Kosovës mund të ketë reshje të dobëta bore si pasojë e një fronti të dobët të ftohtë ajror që do ti afrohet rajonit.
Të Hënën do të kemi krijimin e një cikloni në Mesdhe dhe ky ciklon do të na sjellë përsëri reshje bore në të gjitha viset kontinentale, kurse reshje shiu në viset bregdetare dhe Ultësirën Perëndimore. Reshjet e borës në intervale mund të jenë të dendura, por do të jenë afatshkurtëra në krahasim me reshjet e dy ditëve të lamë pas./Meteoballkan
