Nesër në Kosovë na pret mot mjaft ngrohtë, krahasuar me ditët e kaluara. Gjatë ditës do të kemi diell dhe vranësira të herëpashershme kalimtare lokale. Temperaturat shënojnë rritje të ndjeshme së bashku me erëra jugore e jugperëndimore. Minimalja 4 gradë Celsius, ndërsa maksimalja pritet të arrijë deri në 21 gradë Celsius.
Në Shqipëri dhe tërë rajonin tonë nesër pritet të mbajë mot me diell dhe vranësira lokale. Temperaturat shënojnë rritje të ndjeshme në tërë rajonin.
E Premta sjellë reshje kalimtare shiu dhe vranësira të dendura, por pas kalimit të frontit të shiut do të kemi intervale kohore me diell. Temperaturat shënojnë ulje jo aq të theksuara. Reshje të dendura shiu priten në shumë rajone të Shqipërisë dhe Malit të Zi dhe disa rajone të Maqedonisë së Veriut dhe Kosovës. Në përgjithësi reshjet nuk parashihet të zgjasin shumë.
Nga e shtuna pak më ftohtë, por priten intervale kohore me diell të cilat rrisin temperaturat në mesditë dhe pasdite, megjithatë pasditeve priten zhvillime lokale të vranësirave të shiut që vende-vende do të kushtëzojnë ndonjë rrebesh shiu. Reshje dhe rrebeshe më të shpeshta shiu parashihen vonë të dielën dhe në fillim të javës së re./MeteoBallkan
