Nesër në Kosovë pritet të mbajë mot relativisht i ngrohtë dhe kryesisht stabil, me intervale të gjata kohore me diell dhe vranësira të pakta lokale. Mëngjesi pritet të jetë i ftohtë dhe me mundësi për ngrica dhe mjegull. Dita relativisht e ngrohtë dhe me intervale të gjata kohore me diell.
Në Shqipëri dhe tërë rajonin pas një mëngjesi të ftohtë nesër pritet të mbajë mot me intervale të gjata kohore me diell dhe vranësira lokale. Priten ditë e këndshme vjeshtore.
Të dilelën do të ketë shtim të vranësirave dhe reshje shiu fillimisht në Shqipëri. Në Kosovë do të vazhdojnë intervalet kohore me diell, por pasdite edhe në Kosovë mund të ketë shtim të vranësirave dhe riga lokale shiu. Riga lokale shiu të dielën pasdite vonë mund të ketë edhe në perëndim dhe veriperëndim të Maqedonisë së Veriut. Në Mal të Zi të dielën pritet mot me intervale kohore me diell dhe vranësira me riga të dobëta lokale shiu.
Të hënën në Kosovë pak më ftohtë dhe kryesisht thatë. Në Shqipëri me riga lokale shiu kryesisht në viset bregdetare, ndërsa në viset tjera me intervale kohore me diell dhe vranësira. Temperaturat do të shënojnë ulje kryesisht të lehta.
Ditëve të ardhshme do të vazhdojë të mbajë mot me më shumë vranësira, por edhe me intervale kohore me diell. Vende-vende priten riga lokale shiu të intensitetit kryesisht të dobët./MeteoBallkan
