Nesër në Kosovë pritet ndryshim drastik i motit për shkak të ardhjes së një cikloni të fuqishëm mesdhetar i cili vjen direkt nga jugu i Francës, përmes Italisë drejtim të viseve tona dhe pastaj Evropes lindore.
Gjatë ditës ose pasdite do të fillojnë reshje shiu të cilat pritet të intensifikohen herë pas here pasdite vonë ose në mbrëmje dhe gjatë natës. Reshjet e shiut do të përfshijnë gjithë vendit, ndërsa borë vetëm në malet më të larta.
Temperaturat do të jenë ende të larta gjatë ditës për shkak të rrymimeve të fuqishme të ngrohta ajrore nga jugu, për të pësuar ulje kur fillojnë reshjet më të mëdha. Minimalja pritet rreth 4 gradë Celsius, kurse maksimale deri në 14 gradë Celsius.
Në Shqipëri nesër pritet të ketë dendësim masiv të vranësirave dhe me reshje të shpeshta shiu e rrebeshe lokale shiu me vetëtima dhe bubullimë. Do të ketë intervale rrebeshesh intensive të shiut me bubullima.
Reshje shiu priten edhe në Maqedoninë Veriore, Luginë të Preshevës dhe Mal të Zi sidomos nga pasditja e tutje.
Të dielën më ftohtë, herë pas here me rrebeshe shiu dhe bore në viset kodrinore-malore. Mund të ketë edhe ndonjë bubullimë.
Të hënën mund të kemi një përmirësim afatshkurtër të motit me rrymime ajrore nga jugperëndimi dhe rritje të temperaturave para ciklonit dimëror që pritet të martën. Të martën sipas ecurive aktuale sinoptike pritet të kemi reshje bore./MeteoBallkan
