Nesër në Kosovë do të mbajë mot me intervale kohore me diell dhe vranësira të cilat do të kushtëzojnë rrebeshe lokale shiu me vetëtima, bubullimë dhe mundësi për breshër. Më shumë gjasa për rrebeshe shiu kanë rajonet e Dukagjinit, Drenicës dhe Anamoraves.
Në Shqipëri dhe rajon nesër pritet të mbajë mot me intervale kohore me diell dhe vranësira lokale. Në jug dhe juglindje të Shqipërisë dhe disa vise të Maqedonisë së Veriut priten rrebeshe lokale shiu me vetëtima dhe bubullimë.
Të mërkurën na pret mot me intervale të gjata kohore me diell dhe vranësira, por kryesisht pa reshje, përpos jugut dhe juglindjes së Shqipërisë dhe disa viseve në Maqedoni kur priten rrebeshe lokale.
Të enjtën në tërë rajonin pritet të kemi mot kryesisht stabil dhe me diell.
Të premtën pasdite përsëri mundësi për rrebeshe lokale shiu me vetëtima dhe bubullimë./MeteoBallkan
