Nesër në Kosovë do të mbajë mot kryesisht me diell paradite dhe mjaft i nxehtë. Pasdite në disa rajone të Kosovës priten zhvillime vranësirash të cilat do të sjellin rrebeshe shiu me vetëtima dhe bubullimë.
Në Shqipëri edhe nesër mot kryesisht me diell dhe shumë i nxehtë, kurse mot i ngjashëm pra shumë i nxehtë dhe me diell do të mbajë edhe në pjesën më të madhe të Maqedonisë.
Rajoni nesër duke filluar nga Sllovenia, Bosnja dhe Hercegovina, Kroacia, Mali i Zi dhe Serbia do të përfshihen nga rrebeshe të fuqishme shiu të cilat do të sjellin në këto vende edhe vetëtima, bubullimë dhe breshër. Kjo vjen si pasojë e depërtimit të një fronti të ftohtë dhe formimit të një cikloni në Detin Adriatik. Pasdite rrebeshe shiu do të përfshijnë edhe disa pjesë të Kosovës.
Të Mërkurën në Kosovë do të mbajë mot jostabil me intervale kohore me diell si dhe vranësira të cilat pasdite vende vende do të sjellin rrebeshe shiu me vetëtima dhe bubullimë. Edhe pjesa më e madhe e Shqipërisë dhe Maqedonisë të Mërkurën do të përfshihen nga rrebeshe të fuqishme shiu me vetëtima, bubullimë si dhe vende vende do të ketë edhe breshër.
Temperaturat nga e mërkura do të shënojnë ulje të lehta por më të theksuara në kohën e shtrëngatave.
Nga e enjtja do të vazhdojë të mbajë mot jostabil dhe me rrebeshe të izoluara shiu.
Meteoballkan.
