Nesër në Kosovë pritet të kemi mot me më shumë vranësira dhe riga lokale shiu. Reshjet do të jenë të pakta dhe të karakterit lokal. Gjatë natës intensifikim i reshjeve të shiut. Temperaturat maksimale pritet të arrijnë deri në 16°C.
Në Shqipëri dhe rajon nesër priten alternime mes vranësirave, intervaleve të shkurtra kohore me diell dhe rigave të shiut. Vende-vende priten rrebeshe shiu me ndonjë vetëtimë dhe bubullimë.
Nga e hëna intensifikim i reshjeve të shiut edhe në Kosovë. Në tërë rajonin priten reshje shiu dhe pasditeve e mbrëmjeve rrebeshe të herëpashershme me vetëtima dhe bubullimë. Do të ketë gjasa për reshje intensive lokale.
Temperaturat do të shënojnë ulje të lehta sidomos në kohën e reshjeve dhe rrebesheve të shiut./MeteoBallkan
